schüchtern

sitzt a steirer in aner bar. aan tisch weider sitzt a frau allanich. a fesche no dazua.
"boah is die geil!!!" denkt er si.
"verdaumt, wia sull i dei auredn...tatat is 's hiatz auredn...owa wos sull i sogn, i bin jou a sou gschamig. i wir jo glei rod in gsicht und daun lochts mi eppa aus aa nou! vadaumt, vadaumt, wos sull i tuan? jeids mol wann i oane aured, red i nur an bledsinn und merks erscht wanns z' spod is...hmmm.
ah, i woass scho, i sog ihr oafoch dass sou schei is und i mi glei am erscht blick in sie valiabt houb.....oda?
naa, liawa ned, wal sunst lochts mi aus oda dazölts do herin an jedn und dei schau' mi daun olle au!
oda vielleicht sulltert i ihr wos zan tringa zohln? ois aundre tat si daun scho ergebm, ha? warat deis a idee?

in den moment steht die frau auf und verschwindt.
"najou ... daun hod sa si eh va sölba erledigt. is vielleicht eh bessa a so." denkt si der oarme steirerbua.
noch an randl kummt die frau zruck und setzt sich wieder nebm hi.
"sie ist wieder do! des is! des muass a zeichen sei! mir sein firanaund bestimmt, i reds hiatz au, houffentli foit ma wos gscheids ei. ok oida, hiatz reiss di zaumm und los gehts!" gfreit si der steira.

gach haut er no a stamperl owe, dass leichter geht und eahm d' händ ned so zidern, foahrt si durch d' hoar, ziagt in bauch a wengl ei, stööt si nem ihr hi und faungt ins stottern au:

"und...

und...

und.....

und woast scheißn?"