in der transsibirischen

sitzn si a oida jud und a russischer general in da transsibirischen gegenüber. da general sitzt kerzngrod und stramm, mit hunderte orden behängt und schaut den klan jud stumm und streng au.
der oarme jud is scho gaunz deschparat und traut si goar nimma vü rührn. dabei hätt er owa scho so an hunger.
na und wie der zug so monoton dahinpumpert wird der general hoid a bissl miad. schee laungsaum foin eahm die augen zua und er schloft ein. kerzngrod und stramm, nur de augen san zua.
do faungt si der klane jud vursichtig zum bewegen au und kramt untern sitz sei pinkl vire und pockt s essen aus. gierig und gach schlingt er des mazzes owe, a bissl an fisch und no a poar so koschere sochn hoid. wiara fertig is pockt er möglichst lautlos des pinkl wieder unter sein sitz und hofft dass der strenge general nix merkt.
na und wias so dahipumpern mit dera eisenbahn, de schupferei, do wird den klan jud auf amoi schlecht. er schaut links, s fenzta aufmochn traut er si ned, er schaut rechts, aufsteh und ausn coupee aussegehn traut er si aa ned und so wird eahm immer schlechter.
auf amooi...er kauns nimma dahoidn, schpeibt der klane jud in an murdsguß den schlofertn general vo om bis owe au. der gaunze mischmasch aus mazzes, fisch, hofabrei usw. rinnt den general iwa seine hunderten orden bis owe auf d' erd.
na der jud waas ned wia eahm gschicht, a schweissausbruch jogt in aundan, um himmls wüün, er sicht si scho an, wos haast an, zwaa köpf kürzer. wos soi er mochen wann der general aufwocht, wos soll er sogen. a entschuldigung von an jud nimmt der nie im lebm au.
na und wäu der teifl ned schloft, wocht der general auf.
der gstankn, des seierliche steigt eahm in d' nosn, er schaut laungsam an seiner paradeuniform owe, bleibt kurz ruhig, hebt daun laungsam in kopf und do treffm den oarman jud zwaa blicke aus zwaa stahlblaue augen, dass sogor a sibirischer bär auf da stöö tot umgfoin warat.
in den moment wo der general zum losdonnern aufaunga wüü, mocht der jud plötzlich a mitleidigs gsicht und frogt:
"nooo herr general, is ihner scho bessa?"