hasenscharte

kummt ana mit ana hosnschoartn ins eisengschäft. geht da lehrbam hi und sogt:
„’n taag! sie wünschen, wos hättns denn gern?“
sogt der mit da hosnschoartn:
„a mouphtn, bitte!“
„a woos?“ frogt da lehrbam
„a mouphtn!“ sogt der mit da hosnschoartn noamoi.
da lehrbam schaut vawirrt ummadum und frogt noamoi.
„a woos woins?“
„a mouphtn!!!“ sogt der mit da hosnschoartn scho recht ungeduldig.
da lehrbam is noo mehr verwirrt und sogt:
„a momenterl, i hol ihna wen, der waas wos woin!“ und rennt hintre zum gsöön.
„heast fraunz, do vurn is ana mit ana hosnschoartn, i vasteh den ned! Geh du amoi vire!“
da gsöö geht vire und sogt:
„’n taag da herr! Na wos brauchma denn heit bsundas?“
„a mouphtn hätt i gern!“
da gsöö stutzt a bissl und sogt daun:
„ka problem der herr, des homma glei!“ und rennt aa hintre.
„hearts burschn, wo isn da masta? den mit da hosnschoartn vastehst jo wirkli ned!!!“
drauf geht da masta vire und nimmt si den drama au.
„guun daag gnä herr, wia kemma ihna höffm?“
„i wüü endlig a mouphtn hom!!!“ raunzt der mit da hosnschoartn.
„na joo…des is so soch…“ versuacht si der masta aus dera gschicht meglichst elegant aussa z’drahn.
„i schau amoi in loga noch“ mant da masta und vaschwindt ebenfois noch hint.
„na servas buama, i vasteh den jo aa ned“ mant da masta vazweiflt.
“wos mochma do?”
auf amoi mödt si da lehrbam:
“herr masta, hint in expedit homma jo in schurl, in staplerfoahra. der hod aa a hosnschoartn. schick ma den vire, der vastehtn vielleicht!“
„burli, du bist a höd!“ strahlt da masta.
„geh renn hintre un hol in schurl, zah au!“
da lehrbam spritet hintre, mocht nochn schurl an plärra, da schurl rennt vire in verkauf und olle san gspaunnt wos si jetz tuan wird.
wia de bremer stodtmusikanten, a schedl iwan aundan, schauns hintern eck vira und lauschen wos de zwaa mit da hosnschoartn redn.
na und de zwaa redn und deitn, lochn und fuchteln in da luft ummadum wia wann nix warat.
da schurl schupft den mit da hosnschoartn a trumm in pockpapier eigwicklt auf d’ budl, kassiert, griasst no freindlich und fertig is die schose.
na kaum is der ausn gschäft, hupfns olle drei hintern eck vira und frogn in schurl mit da hosnschoartn:
„heast, jetz sog scho, wos hodn der woin? wos woar des?“
drauf schauts der schurl vaständnislos au, zwinkert a bissl mit de augn und sogt daun:
„na wos wird er woin hom?"
"a mouphtn!“